နေ့စဉ်နေထိုင်မှု
သတင်း၊ အားကစား၊ အပန်းဖြေခြင်း
သတင်း၊ အားကစား၊ အပန်းဖြေခြင်း
သတင်းစာ၊ တယ်လီဗေးရှင်းနှင့် ရေဒီယို
အဓိကစျေးဝယ်စင်တာများရှိ သတင်းအေဂျင်စီအများစုတွင် ဘာသာစကားမျိုးစုံနှင့်သတင်းစာများရှိပါသည်။ သြစတြေးလျတွင် ရှိသော အခမဲ့တီဗီချန်နယ် များတွင် ဒစ်ဂျစ်တယ်တယ်လီဗေးရှင်း၊ ဂြိုလ်တု၊ ကြေးနန်းဖြင့်ချိတ်ဆက်ခြင်းအပါအဝင် ပလက်ဖောင်းအမျိုးအစားစုံလင်စွာရှိပါသည်။ အခမဲ့ပလက်ဖောင်းတွင် ABC, SBS, Seven Network, Nine Network, နှင့် Network Ten ဲ့သို့သော ဩစတြေးလျ အခမဲ့ချန်နယ်များလည်း ပါဝင်သည်။ အခမဲ့ကြည့်ရှုခွင့်တွင် ယနေ့၊ ယခုည၊ ယခုအပတ် (သို့မဟုတ်) သင်မကြည့်မိလိုက်သော၊ ပြန်ကြည့်လိုသောအစီအစဉ်များကို ပြန်ကြည့်ရန် တီဗီလမ်းညွှန် ပါဝင်ပါသည်။
အများပြည်သူနှင့်ဆိုင်သော ရုပ်သံထုတ်လွှင့်မှုနှစ်ခုရှိပြီး Australian Broadcasting Corporation (ABC) နှင့ Special Broadcasting Service (SBS). တို့ ဖြစ်ပါသည်။ အခမဲ့ရုပ်သံလိုင်းများကို ကြည့်ရှုရန် တယ်လီဗေးရှင်းလိုင်စင်နှင့် ကြည့်ရှုခွင့်ကြေးပေးဆောင်ရန် မလိုအပ်ပါ။
အားကစား
NSW Office of Sport ဆိုသည်မှာ အားကစားနှင့် ကိုယ်လက်လှုပ်ရှားအပန်းဖြေဖို့ရာအတွက် ဦးဆောင် သော နယူးဆောက်ဝေးလ်အစိုးရအေဂျင်စီဖြစ်သည်။ အားကစားရုံး၏ရည်ရွယ်ချက်သည် နယူးဆောက်ဝေးလ်ပြည်နယ်တွင်နေထိုင်သူများ၏ ရုပ်ပိုင်းဆိုင်ရာလှုပ်ရှားမှုများကို တိုးမြင့်လာစေရန်အတွက် ခေါင်းဆောင်မှု၊ မူဝါဒများ၊ ပရိုဂရမ်များ၊ ရန်ပုံငွေများ၊ လိုအပ်သည့်အဆောက်အအုံနေရာများ ပံ့ပိုးပေးခြင်းဖြင့် အားကစားနှင့် ကိုယ်လက်လှုပ်ရှား အပန်းဖြေမှုများတွင် ပူးပေါင်းပါဝင်မှုနှုန်း ပိုမိုတိုးတက်လာစေရန် ရည်ရွယ်သည်။
ဩစတြေးလျ၌ အကျော်ကြားဆုံးအားကစားများမှာ Aussie Rules Football (AFL), Rugby League (NRL), Rugby Union, Cricket, Netball, Tennis, Soccer (Football) နှင့် ရေကူးခြင်းတို့ဖြစ်ကြပါသည်။ လမ်းလျှောက်ခြင်းသည် ကျော်ကြားသော အပန်းဖြေလှုပ်ရှားမှုတခုဖြစ်ပြီး အထူးသဖြင့် စနေ၊တနင်္ဂနွေ ရုံးပိတ်ရက်အတွင်းမှာ ပိုမိုလမ်းလျှောက်ကြပါသည်။
Swimming and Outdoor safety::ရေကူးခြင်းနှင့် လုံခြုံဘေးကင်းမှု
- သင်နှင့် သင်၏ကလေးငယ်ရေမကူးတတ်လျှင် ရေကူးနှင့် ရေထဲတွင်လုံခြုံဘေးကင်းမှုလုပ်ဆောင်နည်း သင်တန်းတက်ပါ။ သမုဒ္ဒရာထဲတွင် ရေကူးခြင်းသည် အလွန်အမင်းအန္တရာယ်များပါသည်။
- သမုဒ္ဒရာထဲမှ ကျောက်တုံးများပေါ်မှချော်ကျခြင်း၊ ရေလှိုင်းကြီးများ (သို့မဟုတ်) ဒီရေမြင့်တက်လာချိန်များတွင် သမုဒ္ဒရာထဲသို့ မျောပါပြီး မတော်တဆဖြစ်ခြင်းမျိုးများ ရှောင်ကြဉ်ရန် သတိပေးအမှတ်အသားဆိုင်းဘုတ်များကို ဂရုစိုက်ကြည့်ရှုပါ။ မြစ်များ၊ ရေကန်များ၊ တာတမံဆည်များ တွင် ရေကူးသောအခါ သေချာဂရုစိုက်ပါ။ ဘေးအန္တရာယ်သတိပေးညွှန်ကြားချက်များ ဥပမာ (မိချောင်း အန္တရာယ် (သို့မဟုတ်) အညစ်အကြေး) သတိပေးချက်တို့ကို ကြည့်ရှု လိုက်နာပါ။ ရေကူးနေသော ကလေးများ (သို့မဟုတ်) အိမ်နောက်ဖေး ရေကူးကန်များအပါအဝင် ရေအနီးနေသော ကလေးများကို အမြဲတမ်းကြီးကြပ်ပါ။
- ဩစတြေးလျနေအပူရှိန်သည် အလွန်ပြင်းပါသည်။ နေသာသောနေ့များတွင် ဦးထုပ်ဆောင်းခြင်း၊ အကာအကွယ်ရသော အဝတ်အစားများ ဝတ်ဆင်ခြင်း၊ နေလောင်ကာကွယ်မှုခံနိုင်သော ခရင်မ်များလိမ်းခြင်းဖြင့် အသားနေလောင်မှုဒဏ်မှ ကာကွယ်ပါ။ ရာသီဥတုခန့်မှန်းချက်နှင့် သတိပေးချက်များကို မှတ်သားနာယူပါ။ မီးအသုံးပြုခွင့်ပိတ်ပင်တားဆီးသောနေ့ရက်များတွင် မီးနှင့် အကင်များ သုံးစွဲခွင့်မရပါ။